सिद्धार्थ र कियाराको वैवाहिक कार्यक्रम आजदेखि जैसलमेरमा सुरु हुँदै
काठमाडौं । बलिउड अभिनेता सिद्धार्थ मल्होत्रा र कियारा आडवाणीको विवाह संस्कार आज ९आइतबार०देखि सुरु भएको छ । यो जोडीको विवाह समारोह जैसलमेरको सुर्यगढ प्यालेस होटलमा हुनेछ ।
भारतीय संचारमाध्यमका अनुसार दुबैजना आफन्त र परिवारसहित जैसलमेर पुगिसकेका छन् । आजदेखि केही दिनसम्म भव्यरुपमा वैवाहिक कार्यक्रमहरु हुने जनाइएको छ ।
कियारा र सिद्धार्थ विगत ३ वर्षदेखि एकअर्कालाई डेट गरिरहेका छन् । दुबैको प्रेमकथा फिल्म ‘शेरशाह’को सेटबाट सुरु भएको थियो । सिद्धार्थले फिल्म ‘स्टुडेन्ट अफ द इयर’बाट डेब्यू गरेका थिए ।
उनले अहिलेसम्म १५ वटा फिल्म गरिसकेका छन् । कियाराले २२ फिल्म गरिसकेकी छिन् । कियारा ३० करोडको मालिक छिन्, सिद्धार्थको कुल कमाई ७५ करोड छ ।
कियाराले ‘कबीर सिंह’ को(स्टार शाहिद कपुर र उनकी पत्नी मीरा राजपुतलाई विवाहमा निम्तो दिएकी छिन् । यो जोडी भव्य कार्यक्रममा सहभागी हुने अपेक्षा गरिएको छ ।
तिनीहरूबाहेक, करण जोहर, मनिष, वरुण धवन र अश्विनी यार्डीले पनि विवाहमा भाग लिन सक्ने जनाइएको छ । कियाराकी बेस्ट फ्रेन्ड ईशा अम्बानी पनि विवाहमा सहभागी हुने अपेक्षा गरिएको छ ।
हामीले केही दिन अघि मुम्बईमा कियाराको एक विज्ञापनमा फेसन डिजाइनर मनिष मल्होत्राको घर देखेका थियौं । विवाहमा पनि उनले मनिषकै डिजाइन लगाउने बताइएको छ ।
कियाराका भाइ मिशाल आडवाणीले यो जोडीको लागि विशेष गीत प्रस्तुत गर्ने तयारी गरेका छन् । कियारा आफ्नो भाइ मिसालसँग एकदमै नजिक छिन् भन्ने थाहा भएकै कारण मिशालले शेरशाह जोडीका लागि गीत बनाएका छन् । उनले संगीत समारोहको समयमा यसमा प्रस्तुति दिनेछन् । मिशाल एक र्यापर, कम्पोजर र संगीत निर्माता हुन् र उनले नोभेम्बर २०२२ मा आफ्नो पहिलो ट्र्याक ‘नो माइ नेम’ रिलिज गरेका थिए ।
आफ्नो प्रतिक्रिया दिनुहोस्