प्रगतिशील जनस्वास्थ्यकर्मी महासंघ कोशी प्रदेशद्वारा रक्तदान कार्यक्रम
विराटनगर सहिद सप्ताह (बलिदान दिवस) तथा स्वास्थ्य सेवा दिवसको अवसरमा प्रगतिशील जनस्वास्थ्यकर्मी महासंघ कोशी प्रदेशले रक्तदान कार्यक्रम गरेको छ ।
प्रगतिशील जनस्वास्थ्यकर्मी महासंघ प्रदेश र जिल्ला समिति सुनसरीको संयुक्त आयोजना एवं जिल्ला अस्पताल इनरुवाको सहयोगमा रक्तदान गरिएको हो । रक्तदानमा ८५ पिण्ट रगत रंकलन भएको महासंघकी केन्द्रीय उपाध्यक्ष तथा कोशी प्रदेश इन्चार्ज अन्जना पोख्रेलले जानकारी दिइन् । हरेक वर्ष महासंघले रक्तदानको कार्यक्रम गर्दै आएको उनको भनाइ छ । रक्तदानमा सशस्त्र प्रहरी तथा जनस्वास्थ्यकर्मीहरु सहभागी भएका थिए ।
आफ्नो प्रतिक्रिया दिनुहोस्