नयाँ टेलिभिजन कमेडी शो ‘कमेडी दरबार’ आउँदै
काठमाडौँ कमेडियन बिक्की अग्रवालले नयाँ टेलिभिजन कमेडी शो ‘कमेडी दरबार’ ल्याउने भएका छन् । जसका लागि उनी अहिले शोको सेट र कलाकारको टिम छनोटमा छन् ।
यसअघि रोस्ट शो ‘आम्मा कसम याँ दुख्छ’को दोस्रो सिजनलाई सकाएका उनले अब ‘कमेडी दरबार’ नामको शो ल्याउने तयारी गरेका हुन् । शोमा कलाकार विजय बराल पनि रहनेछन् । बराल शोमा कसरी देखिने भन्ने अहिले सार्वजनिक गरिएको छैन ।
‘यसअघिका शोहरु भन्दा अझ लार्ज स्केलको रुपमा ‘कमेडी दरबार’ ल्याउन लागेको हो’, बिक्कीले भने, ‘कलाकार फाइनल हुनेक्रममा हुनुहुन्छ ।’ ‘कमेडी दरबार’ पारिवारिक कमेडी शो हुने बिक्कीले खुलाए ।
शोलाई बिक्की र श्रृद्धा प्रसाईंले निर्देशन गर्नेछन् । प्राइम टेलिभिजनमार्फत प्रसारण हुने शोको प्रसारण मिति भने फाइनल हुन बाँकी रहेको छ ।
आफ्नो प्रतिक्रिया दिनुहोस्