आईपीओ जारी गर्दे पुवा खोला–वान हाईड्रोपावर
काठमाडौँ पुवा खोला–वान हाईड्रोपावर लिमिटेडले आईपीओ निष्कासन गर्ने भएको छ । कम्पनीले विशेष साधारण सभाबाट आईपीओ निष्कासनको प्रस्ताव पारित गगर्दैछ। कम्पनीको चैत २७ गते बसेको सञ्चालक समितिको बैठकको निर्णयबमोजिम यहि वैशाख १५ गते विशेष साधारण सभा आयोजना गर्ने गईरहेको छ । उक्त सभामा आईपीओ निष्कासन गर्ने र उक्त कार्यका लागि कम्पनीको तर्फबाट अख्तियारीनामा दिने प्रस्ताव पारित गरिनेछ । यसका साथै नयाँ परियोजनामा लगानी गर्ने र कम्पनीको प्रबन्धपत्र संशोधन गर्ने प्रस्ताव पारित गरिनेछ ।
कम्पनीमा एलएस (लक्ष्मी सनराइज) क्यापिटल कोष प्रबन्धक रहेको लक्ष्मी सस्टेनेबल एनर्जी फण्डले रणनीतिक लगानी गर्दैछ । यस सम्बन्धि एलएस क्यापिटल र पुवा खोलाबीच सम्झौता पनि भईसकेको छ । कम्पनीले आईपीओ निष्कासन प्रयोजनका लागि लक्ष्मी सनराइज क्यापिटललाई धितोपत्र निष्कासन तथा बिक्री प्रबन्धकमा नियुक्त गरेको छ ।
पुवा खोला–वान हाइड्रोपावर लिमिटेडले पुवा खोला जलविद्युत आयोजना निर्माण गरेको छ । यस आयोजनाले विद्युत उत्पादन थालिसकेको छ । इलाम जिल्लामा अवस्थित यस आयोजनाको उत्पादन क्षमता ४ मेगावाट रहेको छ ।
आफ्नो प्रतिक्रिया दिनुहोस्