जापानी फिल्म फेस्टिभल २०२४ काठमाडौँमा सुरु
काठमाडौँ जापानी फिल्म फेस्टिभल २०२४ काठमाडौँमा सुरु भएको छ । जमलस्थित राष्ट्रिय नाचघरमा शुक्रबारबाट सुरु भएको फेस्टिभल शनिबारसम्म चल्नेछ ।
जाल्टान र लानसँगको सहकार्यमा जापान फाउण्डेसन र जापानी दूतावासले आयोजना गरेको फेस्टिभलले नेपाल र जापानबीचको सांस्कृतिक सम्बन्ध प्रगाढ बनाउन भूमिका खेल्ने दूतावासको सांस्कृतिक विभागकी सचिव सातो मायाकु बताउँछिन् । फेस्टिभलमा शुक्रबार केन्जी उचिदा निर्देशित १२५ मिनेट लामो कमेडी फिल्म ‘की अफ लाइफ’ र ‘स्कुप हन्टर’ प्रदर्शन भयो । फिल्म ‘स्कुप हन्टर’ले एक पत्रकारको कथा भन्छ । शनिबार भने यासुकी साकाकीबारा निर्देशित फिल्म ‘सियोरी’, ताकेसी वातानावे निर्देशित फिल्म ‘नेको निन्जा’ र ‘कामोमी डिनर’ प्रदर्शन हुनेछ ।
फेस्टिभल नाचघरपछि पानीपोखरीस्थित दूतावासको हलमा मार्च २० र २१ मा आयोजना हुनेछ । चित्रकला लगायतका प्रस्तुति पनि राखिएको शनिबार जापानी डे समेत मनाइने कार्यक्रम रहेको छ ।
आफ्नो प्रतिक्रिया दिनुहोस्